POESIA DI FABRIZIO LANDI DEDICATA AL FIUME CHIESE

POESIA DEDICATA AL FIUME CHIESE

“ÈL RAGIONAMÈNT DEL CÉS COL SARCA”

(AUTORE FABRIZIO LANDI)

PREMESSA ALLA POESIA

Il fiume Sarca, che tutti conosciamo come l’immissario principale del Lago di Garda, all’inizio del suo percorso – che si può indicare con il paese trentino di Pinzolo – effettivamente è composto all’inizio da ben quattro torrenti, tutti con il nome di “Sarca”: di Nambino, di Campiglio, di Nambrone e di Val Genova.

Quest’ultimo, che nasce dal Lago Nuovo, sotto il ghiacciaio Mandrone, scende dal versante opposto rispetto al fiume Chiese che, nascendo dal Monte Fumo (Föm), è sempre originario del Gruppo dell’Adamello. Immaginando che, nel silenzio del lockdown della scorsa primavera, il Chiese sentisse la voce del Sarca “di Val Genova”,  ho pensato ad un “ideale” dialogo tra i due fiumi che nascono in Trentino. Il Chiese si presenta, all’inizio, facendo riferimento al titolo di un’altra poesia - “Èl Cés Urgugliùs”– pubblicata dall’Associazione gavardese “Borgo del Quadrèl” nel libro “Rime e Ricordi”.

ÈL RAGIONAMÈNT DÈL CÉS…CÓL SARCA…

Só ‘l Cés, me cunussì: chèl “urgugliùs”.

Pode piö fa sito, quindi fó sènter la me us.

Ste’ primaéra, nel pieno dèla “pandemia”,

con töt èl silensio e nissü che sé müìa,

m’è capitàt na ròba che stente a creder

e come la va a finì, adès vòe véder…

Na séra, pense che l’ìes de Avrìl, forse a la fì,

g’ho sintìt ‘na ùs che la vignìa da on fiöm, po lü en Trentì.

“ Só ‘l Sarca, en val de Genova:  come tè vàla  Cés “?

Sensa nissü rumùr,  mé ‘l sintìe bé fés.

G’ho rispundìt: “Mia mal, almanc per èl momènt;

ma chèl che g’ho sintìt èl fa pròpe spaènt !

 Gh’è ‘n giro per èl mond  ‘na bröta malatìa:

vergü i sé mala o i mör, ma la conossóm mìa” !

“Chèsto l’è véra – èl dis – tè gh’é rizù, ma varda…

gh’è on ótra noetà che rìa dal lac de Garda:

per tègner  l’acqua nèta e sensa udùr

besògna fabricà ón pér dé “depuradùr”;

e per èsser sücür che töt èl funsiùnes bé

i völ mandà la “fogna” endóe tè scóret tè “!

 “Chèsta l’è bèla! Ma set pròpe sücür ?

Gh’ét sintit bé o de orèce sét déèntat piö dür” ?

“Certo! Ón pó’ de fogna i tè la pompa sö a Roé

e lé a Gavard, (chèsto l’ho sintìt mé),

 i fa on grand depuradùr che ‘l costa car;

è ‘l “rèst del ròst” i tè la manda a Munticiàr .

Issé, dopo, töta chèl’acqua bèla nèta,

la va a finì ‘n dèl Cés, che lü èl la spèta”!

“Mé spète pròpe ón bèl niènt ! – gh’ó rispundìt-

Se manca l’acqua, e töcc i l’ha capìt,

l’è perché ‘l giàs del “Föm” el s’è “diculàt”:

con töt l’inquinamènt èl clima l’è cambiàt !

 Vardì el ghiaciàio, chèl del Adamèl:

en dèi ültim sènt’ agn, l’è mìa piö chèl !

Po’ té, Sarca, té nasset da chèle bande lé

e chèsta ròba ché, té la conósset bé !

 E adès scultì on po’ èl mé ragionamènt:

sensa tante pretése, col cör e có’ la mènt…

Da quand che nasse, pensa, varda on pó’,

la me acqua la viagia: la va ‘n zó !!!

 Trübüle ensèma a l’òm che ‘l fa sö dighe e centrai

per fa “energìa” nèta  e la me fórsa  la finirà mai.

Té, Sarca, el só, te fé on bèl lac, l’è chèl de Garda:

l’è ‘l piö grand e l’è bel, tancc i la varda !

 Mé ‘n fó on óter, chèl de Ider: picinì ma bèl;

per tègner l’acqua nèta gh’óm dé doprà ‘l servèl !

per il ascoltare la poesia recitata e visionare il  video clicca qui :https://www.facebook.com/685694391875587/videos/1779825162169094/?__so__=channel_tab&__rv__=all_videos_card

                                                                                           https://www.youtube.com/watch?v=QHDvA-DBhxk

In allegato copia integrale del testo.